Sana Andyan Ka Lang

Minsan naisip ko na sana di na lang kita nakilala

Hindi ako nagsisisi ng ibigan ka

Ngunit naisip ko na baka masaktan na naman ako

Pero di alintana sa kung ano man ang maidulot nito

Matagal na kitang kakilala

Simula nung ako ay meron pa

 

Hindi ko man sinasadya na ikaw ay ibalewala

Ngunit sa una nating pagkikita para akong ibong nakawala

Dulot mo ay saya sa malungkot kung mundo

Sigla sa puso ko ay ibinalik mo

Ito ang takot ko na baka may magbago

Ngunit bahala na basta ang mahalaga ikaw ay nasa puso ko

Alam ko hindi mo ako kayang saktan

Alam mo din naman na di kita kayang pakawalan

Ngunit alam mo at alam ko na sa ating pag-iibigan

Ang sakit at puna ay sadyang hindi maiiwasan

Kakaibang pag iibigan na sa tingin nila ay mali

Pero sa atin ito ay tama at walang pasubali

Ngunit anong pakialam natin sa lipunan na mapanghusga

Kung ang mahalaga ay tayong dalawa

Hindi ko pinapangako na kaya kung ibigay ang lahat

Ngunit susuungin ko ang masalimot at matinik na gubat

Hindi ako mangangako na di ka kailan man sasaktan

Pag nangyari yun, ngayon palang, Mahal patawad sa ngalan ng ating pag-iibigan

Saksi ang buwan at mga bituin

Mula nang dumating ka, puso ko'y iyong alipin

Sana andyan ka lang

Katabi ko magpakailaman.