Paalam Na

Ikaw ang nagbigay sa akin ng saya

Sa tagal nating nagsama, ikaw lang at wala nang iba

Akala ko ikaw at akoy magkasama panghabang buhay

Ngunit lahat ng bagay ay may katapusan pala

Mahigit anim na taon ika'y aking karamay

Sa hirap at ginhawa ikaw ang kaagapay

Puso ko'y hindi nagsisisi

Na ikaw ang pinili na walang pag atubili

Ngunit isang araw biglang naglaho

Ang matamis na pag-ibigan ay tinapon mo ng malayo

Na walang pagaalintana

Ako'y iyong binigo

Nagtatanong kung totoo ba ito?

Ang sagot mo lang ay tumataginting na "Oo".

Di ko kinaya ang totoong sagot mo

Ngunit wala akong magagawa kung ikaw ang lumayo.

Hindi kita masisi kung sa kanya mo nakita

Ang mga bagay na kailan man di mo nakuha

Gusto kita ipaglaban sa mapang agaw na kapalaran

Pero hindi tama sapagka't ikaw ang lumisan.

Pinili mo ang kanyang mga bisig

Kumpara sa aking totoo na pag ibig

Wala akong materyal na bagay

Ngunit meron pa akong dignidad at pagmamahal na iyong kaagapay

Ngunit masaya na ako

Na nagdesisyon kang lumayo

Napaisip ako

may dahilan ang lahat ng ito

Ako ngayon ay masaya

Hindi dahil sa nahihirapan ka

Ngunit ngayon ko lang natagpuan

Ang tunay na kaligayahan kahit na nag-iisa

Paalam na mahal kung sinta

Hanggang dito na lang talaga

Ang pag iibigan nagtapos din sa wala

Paalam na, oh aking sinta

Orihinal na Sulat ni: