Mga Gawaing Pamatay Oras

Hindi ko maintindihan kung bakit sa tuwing sobrang busy ako sa work doon din gumaga ang imahinasyon ko sa pagboblog. Ang daming bagay akong gusto iblog kapag na pepressure ako ngunit hindi ko naman magawa dahil sa uunahin ko ang aking trabaho. Naeexcite akong umuwi agad para mag blog. Pero tuwing dumarating ako sa aking munting tahanan nawawala ang gana ko sa pag blog.  Nawawala ang motivation ko at napapalitan ito ng pagod at antok. Tila  ba kapag tumititig ako sa kama at unan ko ay parang tinatawag nila ako upang humimlay na at ipabukas na ang pagboblog. Naiinis ako. Hindi na tama to. 

Ngayon, wala akong ginagawa sa opisina. Ito yung mga araw na hindi ako masyadong pressure at busy. Hindi occupied ang isip ko ngunit wala din namang gana sa pag blog. Nababaliw na ata ako. Naghanap ako ng mga bagay na gagawin kesa tumunganga lang dito ng walong oras. Nag isip ako ng mga bagay na pwedeng pagkaabalahan. Mga bagay na makakatulong sa pag angat ng aming kompanyan at ekonomiya ng Pilipinas kung mahal.

Ilang oras na ang lumipas, So far heto pa lang ang nagagawa ko:

• Kulitin ang katabi ko sa opisina.
• Tinatanggal ang isang pad post-it at dinidikit ulit ito (100 pages ito).
• Kinakalat ang isang rim ng coupon bond tapos inayos ko ulit.
• Nangungulangot. 
• Nakatitig sa salamin sa harapan ko at sinasabing, "Wala kang katulad Xander, Ang Gwapo mo Talaga!". (Wag na komontra, kanya kanyang trip yan).
• Bumaba sa ground floor ng building namin na naka elevator. Umakyat papuntang 5th floor na naka hagdan. 
• Tinatawagan ang kabilang extension ng phone namin na nasa kabilang table lang, at sasagutin ko din ito.  (Baliw lang diba?)
• Pinalitan ng malamig na tubig ang coffee mug ng katabi ko na may lamang kape.
• Nag nailcutter. (kamay at paa, paikot-ikot pa!)
• Gumawa ng sariling kalendaryo ko gamit ang Microsoft Excel.
• Nag iisip ako kung sisigaw ako ng sunog sa loob ng opisina para masaya. Pero wag na baka matanggal ako sa trabaho. 

So far, yun pa lang ang nakakabored na mga ginawa ko ngayong araw na ito.Habang kinakalikot ko ang aking cellphone, naalala ko na kailangan ko na nga pala mag make over ng aking buhok para sa isang pagtitipon na aking dadaluhan. Naalala kung maghanap ng bagong hair style sa kadahilanang wala talaga akong signature look pagdating sa buhok. Nakita nyo naman na walang kwenta ang style ng buhok ko na pang matanda. Argh!

Kaya heto ang mga ilan sa mga naisipan kung style ng buhok ko. Nakakatawa pa lang gawain to. 

Photo no longer available

Tingnan nyo, pwede pala akong ng ibat-ibang klase ng hair style. Lol.T'was a crazy evening.

O sya cge at ako'y manggugulo pa sa ibang tao. 

Salamat sa pagdalaw hanggang sa muli!