Love: is it Over? -- Eh Pano Yung Second Time Around?

     Napadaan ako sa Damuhan ni Bino at binasa ang kanyang post na Love: Is it Over?. Natamaan ako sa kanyang sinabi sa post na yun sa kadahilanang naranasan ko na din ang mga nabanggit nya not only once, not only twice but many times. Bobo kasi ako pagdating sa love. Give lang ako ng give. Minsan nakakalimutan ko na din yung mga bagay na dapat unahin. Love is blind nga siguro talaga. I mean not the love itself but maybe the people under the influence of being in love. Nakakaadik?

     Pero habang patuloy ako sa pagbabasa natanong ko din sa sarili ko pano yung tinatawag nilang "second chance"? Pano kung sa punto ng relasyon ninyo eh dumaan lang pala ito sa pagsubok? Pano kung sa maikling panahon na nararamdaman ninyo ang mga nabanggit ni Bino eh dumating din sa punto at marealize ninyo na mahal ninyo pala ang isa't-isa at di kayang mawala ito. Maniniwala ka ba sa isa pang pagkakataon o hahayan na lang na mawala ang mga bagay ma mahalaga sayo? Pano kung matagal na kayong magkasama? Pano kung marami na kayong naipundar na bagay at emosyon sa inyong relasyon? Pano kung sa nagawa niyang paglisan at pagtakwil sa ilang taon ninyong relasyon eh umaasa ka pa rin na sana balang araw ay babalik siya sa piling mo o di naman kaya ay babalikan ka nya at humingi ng tawad sa pagkakasala sayo. 

     Marahil masasabi mo na may pinaghuhuhutan ang sulatin na ito. Sabihin na natin na sa ilang relasyon na ang nadaanan ko eh may mga bagay din akong natutunan kahit papano. May ibat-ibang dahilan kung bakit umabot sa punto ng inyong relasyon na nagkakaroon ng pagkasawa o walang gana sa kapareha gaya ng nabanggit ni Bino, nawala na yung tinatawag nilang "spark". Ano nga ba meron ang spark na ito at nagiging dahilan pa minsan ng pagkakalabuan at hiwalayan ng isang relasyon.

     Mabalik ulit tayo sa tanong na, "Pano pag gusto nya humingi ng second chance?" tatanggapin mo ba ito at isugal uli ang puso mo?  Magtitiwala ka pa ba na hindi na nya ulit gagawin ang pagiwan sayo? Pano ka nakakasiguro na hindi na niya kayang iwanan ka? Pano mo malalaman na seryoso sya sa paghingi ng second chance? Ano ba ang palatandaan na gusto nya ng second chance? Ito ba ay kung:

1. Nung naghiwalay na kayo ay panay ang pangangamusta niya sayo na para bang walang nangyari. Nag greet ng good morning, good afternoon at good evening. Panay kamusta kung kumain ka na ba?

2.  Kung sakaling magkasama kayo sa bahay ay, nilulutuan ka pa rin nya ng mga paboritong mong pagkain. Nilalambing ka niya at hinuhug kung may pagkakataon.

3. Kung hatid-sundo ka pa rin nya sa pinapasukan mo.

4. Ayaw niyang nakikita kang umiiyak at nasasaktan (samantalang siya ang may dahilan na umiyak ka at nasasaktan). 

5. Nais nya na maging masaya ka sa bawat oras. 

     Maaring may pagkakataon pa nga. Maaring mabigyan ng second chance ang bawat relasyon na nabuwag. Walang imposible sa mga taong patuloy na umaasa at naniniwala pa rin sa wagas at tunay na pag-ibig. Ngunit ito din ay babala sa atin na sa bawat desisyon na ating pipiliin ay maaring may epekto sa hinaharap. Maigi na pagisipang mabuti. Gamitin din ang utak wag puro puso.